Arrestohen katër persona të dyshuar për të shtëna me armë zjarri në një aheng familjar në Rahovec

18:50 | 1 Gusht 2024
E.H

Policia e Kosovës njofton se kanë arrestuar katër persona në fshatin Pastasellë të Rahovecit pasi dyshohet se kanë shtënë me armë zjarri në një aheng familjar.

Në njoftim thuhet se nga të dyshuarit janë sekuestruar katër armë zjarri: një armë zjarri e gjatë automatike, tri armë zjarri të llojit pistoletë, pesë karikatorë, 22 copë fishekë dhe 31 gëzhoja, përcjell Arbresh.info.

“Të gjitha veprimet hetimore janë ndërmarrë në kordinim me prokurorin e shtetit, me vendimin e të cilit është iniciuar rast “mbajtja në pronësi, kontroll ose posedim të paautorizuar të armëve dhe përdorim i armës apo mjetit te rrezikshëm”. Rasti do të trajtohet në procedurë të rregullt. Përdorimi i armëve në festa dhe ahengje është i ndaluar dhe sanksionohet me ligj. Festa me armë është rrezik për të gjithë, zgjidhni të festoni me zemër dhe pa armë”, thuhet në njoftim.Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm